天命旅遊

愈來愈像台灣歌手朱孝天的玄學天王楊君﹙嗯，或者應該說，是孝天愈來愈像天命哥﹚在農曆年過後的旅遊淡季大搞旅行團，價錢不算昂貴，捧場客應該不少。看來師傅有計劃繼老瀾、恩哥、私房Jacky等食家名人後組織明星旅遊，過過帶圑癮。

跟圑者，應該是體內「懶細胞」作崇，貪其方便唔駛煩，無需為餐館、住宿、景點大費周章，但有可能換來一名面皮厚得像堵牆﹙而且外表多數不敢令人恭維﹚的導遊連績數天在那焗促的旅遊車上大放厥詞。參加名人旅遊，除了希望住的吃的更上一層樓外，當然還希望那位名人可以為旅程帶來更廣濶的見聞，或者增添笑料令那個假期生色﹙滿足粉絲欲望者另計﹚。

至於參加玄學旅行團，會唔會包睇掌算命批流年運程，抑或純粹吸收當地靈氣﹙簡單來說，即係欣賞自然風光﹚？但怎麼也好，命理師舉辦旅遊團已經身體力行呼應了特首先生在這個新年的善頌善禱，發揮香港人的併搏精神：在牛年先賺大家一筆攞個好意頭，順便可以為轉型做帶團名家鋪路。

另一邊箱，其他玄學天王天后亦毫不輸蝕瓣數愈來愈多，把戰場擴闊到不同領域繼續角力，如玲姐頻頻曝光做饒舌歌手當藝人、責兄搞婚禮也大晒明星人情牌，至於蘇師傅亦在瘋狂遊世界後成為旅遊書系列的代言人，本本書也印上個大嘜頭，數量拍得住他的命理書矣。

所以幾時都話，香港人又怎會缺乏創意？