百老匯、PALACE及AMC電影戲票「買一送一」優惠

http://www.boci.com.hk/chi/spec/prom5939/index.php

在2012年8月2日至10月25日期間,憑中銀銀聯信用卡於百老匯、PALACE及AMC戲院售票處購買正價戲票，尊享戲票優惠，連睇戲都Up Grade！

優惠詳情：
- 逢星期四晚上6時後場次之「買一送一」優惠*
- 其他場次9折優惠
*「買一送一」優惠接受戲票預售。優惠名額有限，先到先得，售完即止。

網上天光墟：哈哈笑二手店

http://www.myshop2011.com/

一個貨源很廣、很雜的網上二手店，而且update得好密，值得一看！

721．黃子華賣飛．林海峰訂飛

之前報道過的黃子華棟篤笑港鐵已經賣晒廣告，準備在721公開賣飛，看來售票處又會大排長龍、伺服器又會迫爆。
同一日，如無意外係商台最後一個紅DJ的林海峰又開始訂飛啦，大家睇睇預告先：

用VISA簽夠$300有獎抽！

由即日至8月31日，凡用VISA簽夠$300，就可以參加每周公佈結果的抽獎，有機會贏取價值港幣$5,000的Visa預付卡乙張 或終極大獎 Mini Cooper 1台 ！

詳情可瀏覽這裡﹙包括簽帳種類限制﹚ 。多謝各位。

黃子華優先訂飛，20號截止

手快有手慢無，黃子華第20年的棟篤笑優先訂飛真係好難訂，昨晚打電話，$220的平價飛已經好多場full晒……
暫時未知公開售票日期﹙如果你知道，麻煩通知聲呀﹚

上班著數法

長青樹節目《星期日檔案》在4月5日的一集，訪問了一些以收集優惠印花為興趣﹙兼夾在網上以優惠交換券飛票為樂﹚以及以此為職志﹙在某著數網站工作﹚的市民，教大家在金融海嘯下如何節節儉儉地生活。

要上班的話，大部分人都要花錢搭車吃飯買零食，但只要八卦一點，對身邊事物充滿好奇心，其實不時會發現一些慳錢之法：

搭港鐵上班的話，加入港鐵會可以儲積分換免費車票或者港鐵站商店的優惠券，實行以毒攻毒「以飛換飛」。再加上選用自動增值，還可以幫信用卡賺取回贈呢！

小弟在每朝的上班時份，都會發現有好多樣子還在夢醒時份的「熊貓男女」手持一枝枝的能量飲品「提子適」從便利店步出。但在這個4月，不妨花時間改到超市入貨，因為飲品公司正舉行一個買滿廿元有電腦抽的活動。況且肯到超市排排隊買東西的話，又可以玩「日日賞」或者「易賞錢」，再用指定的信用卡簽帳﹙百佳用匯豐、惠康用恆生﹚更會有折頭呢。嫌未夠喉？上班族其實還可以在個別有額外九五折的日子才光顧這些超市大手入貨，怎麼算，也會比朝朝臨急抱佛腳衝入便利店買一枝化算很多吧。嫌晨早時段不夠時間到超市排隊？一點放飯時，約同事齊齊買零食飲品也可以呀。

少數怕長計，點石可成金，上班也可以慳更多！

葡萄適．八達通

其實市面上不時也有些抽獎活動，花時間多點留意的話，隨時會贏取獎品！

1. 葡萄適的信徒有福了！
由即日至4月30日期間，到超市購買任何葡萄適產品滿$20，保留收據，再打登記熱線8209 9266 登記，即可參加抽獎，獎品是HP Mini 1000 迷你筆記薄型電腦一枚。得獎者名單將於5月7日在《英文虎報》和《星島日報》公佈。名額每週一名。
﹙不過這個熱線超級難打，小弟打咗好多次先至打通咋！有興趣的朋友努力呀！﹚

2. 不妨用八達通買$30以上的東西。
因為八達通近期搞緊個「一嘟千金」推廣活動，電視、報紙都賣緊廣告，大獎係200名$1000八達通額。呢個抽獎唔駛登記，不過為免到6月27日果陣唔記得留意佢地喺網頁度公佈得獎名單，大家不妨到網頁填番電郵，等你中獎果陣佢地可以搵到你！哈哈！

大家樂．美心．大快活

如果你是一個會到快餐店吃東西的人，想和大家分享一些所謂的心得：

1. 大家樂有一個Club 100，在網上登記後繳交10蚊年費﹙店員會即時送入會禮物：3張5蚊優惠券和1張免費飲品券﹚，然後就可以用八達通卡儲分，凡食滿18蚊，會有1分。每星期﹙一至日計﹚儲夠5分，就會有「10蚊現金券」及「免費茶市小食券」各一張啦。

2. 幫襯美心MX，逢星期三用恒生enJoy卡付款，可賺20倍enJoy Dollars。但我覺得好難，因為這個優惠是要吃夠300蚊﹙！﹚才可以賺取的。同時別忘了要打電話登記才算數的。講開又講，美心MX的晚餐最貴那些差不多要60蚊，自己計計啦。

3. 大快活除了間中在報上刊登的那些優惠券外，好像沒有什麼優券，但可以儲八達通日日賞即分。

如果你還知道這些快餐店有什麼着數嘢，不妨交流一下=)

有着數，咪走雞

經濟麻麻，加上自己向來鍾意留意啲着數嘢，不如喺度同大家分享一下，實行與眾同樂！

喺1月31 日﹙無錯，就嚟截啦﹚前用VISA喺單一收據上簽帳滿300蚊﹙港紙或澳門幣﹚，就可以上visa.com.hk或致電3750-8000﹙但我發覺電話真係好難打得通，大家要就一就時間晨早或者好夜打去先會易啲﹚登記抽獎，即有機會贏取最高五十萬的簽帳額！結果唔駛等好耐，將會喺2月11日公佈。請留意，舊年11月24日之後的消費都用得，所以幾時都話，買嘢最緊要保留收據！

第2壇嘢關恆生信用卡卡主事。如果你喺單一收據上簽帳滿500蚊港紙，就可以打熱線2998-6000登記抽獎，贏取Cash Dollar﹙最少會有5蚊，會即時知﹚，聽講呢個活動就嚟完﹙廣告都愈嚟愈少﹚，各位咭主要快啲手啦！

最後仲有一樣，就係港鐵抽獎，如果你用八達通搭港鐵，就可自動參加大抽獎，有機會贏取500蚊百佳禮券，但係個結果會耐啲，響3月13日先喺mtr.com.hk公佈中獎者的八達通卡號碼。不過同時間亦可以儲埋MTR的Bonus point，換古巨基賣廣告果個系列的東西﹙車飛最好，唔駛加錢﹚。

講住咁多先，有新筍嘢再通知大家！

搭車時聽書

無時間、無時間，我們很容易就以無時間作為拒絕充實自己的理由。

做個小統計，你每天花在巴士／小巴／港鐵和等人總共用了多少時間？從屋企來回公司／學校需要多久？每天乘車時總看到很多人埋頭苦幹地打PSP、NDS，或者以玩電話和吹水打發時間，過癮是過癮的，但卻好像浪費了不少時間。想到日本人愛在車廂裡閱報和看漫畫，如其無無謂謂浪費寶貴的光陰，倒不如用這些幹不到其他特別事的時間讀一讀書自我增值，咳，不，應該是「聽」一「聽」書。

見自己讀英文書讀得有點慢，沒有太大耐性完成一本書，於是選擇聽錄音書代替。前幾日見一個賣錄音書的網站audible.com，頭三個月的月費不過7.49美元，之後的收費是14.95美元，比買英文書來得便宜，於是幫襯了。我在那裡下載了「美國隊長」奧巴馬的The Audacity of Hope﹙因為是由他親自朗讀全書，過癮！﹚，另外有很多小說﹙有大熱的Twilight、非小說、期刊和揀篤笑的錄音產品。
好像比聽本地的英文電台節目有趣。

有朋友可以在出來工作仍然風雨不改地看Economist、Time等雜誌，問他的閱讀時間是怎樣擠出來，原來答案就是上下班的乘車時間﹙其實還有廁所時間，但這個我絕不鼓勵，因為對身體非常不好哦﹚。

時間是每個人的均等財產，絕無例外，花在哪裡，視乎你的選擇呢。

錄音書網：http://www.audible.com/